9 oktyabr prezident seçkilərinin təbliğat-təşviqat kampaniyası çərçivəsində Yeni Azərbaycan Partiyasının (YAP) prezidentliyə namizədi, ölkə Prezidenti İlham Əliyevin təşviqatına yönəlik silsilə tədbirlər Balakən rayonunda da davam etməkdədir.
Gün.Az xəbər verir ki, sözügedən rayonu parlamentdə təmsil edən millət vəkili, professor Rəbiyyət Aslanovanın da qatıldığı növbəti tədbir 28 sentyabr tarixində Balakənin Hənifə kəndində baş tutub. Görüş iştirakçılarının hər biri 9 oktyabr seçkilərində YAP-ın namizədi İ.Əliyev cənablarına səs verəcəklərini bildiriblər. Onların fikrincə, çünki son on ildə Azərbaycanı regionun, bütövlükdə dünyanın lider dövlətlərindən birinə çevirən, Azərbaycanda dünyada söz sahibi edən indiki ölkə Prezidentinin alternativi yoxdur, Azərbaycanı sevən hər bir Azərbaycan vətəndaşının da seçimi məhz İ.Əliyev olmalıdır və olacaq. Millət vəkili R.Aslanova da görüş iştirakçılarının mövqeyini bölüşərək, Azərbaycanın nicatının, növbəti uğurlarının yalnız ümummilli lider Heydər Əliyev yolu və bu yolun layiqli davamçısı ölkə Prezidenti İlham Əliyev yolu ilə bağlı olduğunu bildirib. Həmin gün YAP-ın Balakən rayon təşkilatının inzibati binasında gənclərlə görüşən millət vəkili onlara hakim partiyanın üzvlük vəsiqələrini təqdim edib. Balakən gəncləri də bir nəfər kimi 9 oktyabr tarixində ölkə Prezidenti dəstəkləyəcəklərini, Azərbaycan dövlətinin və xalqının gələcək növbəti uğurları naminə ona səs verəcəklərini bildiriblər. Balakən gəncləri onu da qeyd ediblər ki, məhz ümummilli lider H.Əliyevin hakimiyyəti dövründə və son on il ərzində İ.Əliyevin prezidentliyi dönəmində gənclər siyasəti Azərbaycanda dövlət siyasəti səviyyəsinə qaldırılıb, Azərbaycan gəncliyinin inkişafı ilə bağlı bir sıra qanunlar, dövlət proqramları qəbul edilərək, müvəffəqiyyətlə icra olunub və olunmaqdadırlar. 28 sentyabr tarixində daha bir görüş isə rayonun Qabaqçöl qəsəbəsində baş tutub. Digər balakənlilər kimi, adıçəkilən qəsəbə sakinləri də builki seçkilərdə ölkə Prezidenti dəstəkləyəcəklərini, onun siyasətini dönmədən müdafiə edəcəklərini bəyan ediblər. Görüşdən sonra qəsəbə sakinlərinin müraciətinə əsasən millət vəkilinin iştirakı ilə qəsəbədəki məscidin ümumi vəziyyətinə baxış da keçirilib.
