Romada Xankəndinin işğalının ildönümü ilə əlaqədar aksiya keçirilib.
AZXEBER.COM xəbər verir ki, Xaricdə Təhsil Alan və Məzun Olmuş Azərbaycanlı Gənclərin Beynəlxalq Forumunun (ASAİF) təşəbbüsü ilə davam edən “Sülh və Qarabağ üçün səslər” (“Voices for Peace, Voices for Karabakh”) kampaniyası çərçivəsində Romanın Popolo və Rotonda meydanlarında keçirilən aksiya ASAİF və İtalyan-Azərbaycan Gənclər Assosiasiyası (İAGA) tərəfindən təşkil olunub.
Tədbirin məqsədi Ermənistan-Azərbaycan, Dağlıq Qarabağ münaqişəsi ilə bağlı həqiqətləri İtaliya ictimaiyyətinə çatdırmaq və gənclərimizin probleminin ədalətli həllinin tərəfdarı olduğunu nümayiş etdirməkdir.Həzin musiqi sədaları altında davam edən aksiyada İAGA-nın üzvləri həm turistlərə, həm də İtaliya vətəndaşlarına Ermənistan-Azərbaycan, Dağlıq Qarabağ münaqişəsi, eləcə də Xankəndinin işğalının xalqımızın yaddaşında buraxdığı izlər, işğal altında olan torpaqlarımızın təbii sərvətləri və orada doğulmuş dahi şəxsiyyətlərimiz barədə məlumat veriblər.
