Azərbaycanlı müğənni Roza Zərgərli 20 Yanvar faciəsi qurbanlarının xatirəsinə hörmətsizlik edib. AZXEBER.COM-un məlumatına görə, müğənni 20 yanvar faciəsi günü “Facebook” sosial şəbəkəsində yeni mahnısıyla bağlı status paylaşıb. Statusda “Eşqimin köləsi-Klip təqdimatına çox az qaldı” yazılıb. Müğənni sosial şəbəkədəki dostları bu statusa kəskin etiraz ediblər və müğənnidən dərhal statusu silməyi tələb edib. O isə statusu silmək əvəzinə həmin rəyləri silib. Vəziyyətin ürəkaçan olmadığını və böyük səhvə yol verdiyini görən müğənni 20 Yanvar günü ilə bağlı status və videokliplər paylaşmağa başlayıb. Bundan başqa müğənninin yaxınları baş verənlərə etiraz edən jurnalistləri ölümlə hədələyən rəylər yazıblar. Görünən odur ki, müğənni üçün eşqinin köləsi 20 Yanvar günü öz şirin canlarından keçən şəhidlərimizdən daha üstündür. Əgər belə olmasaydı bütün azərbaycanlıların 20 Yanvar faciəsi, onun ağır nəticələri ilə bağlı paylaşımlar etdiyi, vətən uğrunda həlak olanların ruhunu ehtiramla andığı gün R.Zərgərli də eşqinin köləsi haqda yox, şəhidlərimiz haqda status yazardı.Qeyd edək ki, tənqidlərdən sonra Roza Zərgərli statusu silməyə məcbur olub. Amma müğənni bu hadisəyə görə üzr istəmək əvəzinə jurnalistləri məhkəməylə hədələyib.
