Ukrayna prezidenti Vladimir Zelenski Rusiya ordusunun bu gecə ölkəsinə 100-dən çox pilotsuz uçuş aparatı (PUA) ilə hücum təşkil etdiyini açıqlayıb.
AZXEBER.COM xarici mətbuata istinadən xəbər verir ki, Zelenski Telegram hesabında verdiyi açıqlamada Rusiya ordusunun bu gecə ölkəsinin müxtəlif bölgələrinə pilotsuz təyyarələrlə hücumlar təşkil etdiyini bildirib.
Hücumların əsasən Dnepr, Xarkov və Dobropillya şəhərlərini hədəf aldığını qeyd edən Zelenski, məktəblər kimi müxtəlif mülki infrastrukturların hədəf alındığını vurğulayıb.
Pilotsuz təyyarələrin hücumları nəticəsində bir nəfərin öldüyünü, ikisi uşaq olmaqla 46 nəfərin yaralandığını bildirən Zelenski, rusların 100-dən çox pilotsuz təyyarə ilə hücum etdiyini qeyd edib.
Gülay
