Onu yeni məhkəmə gözləyir.
Rusiyada həbs cəzası çəkən azərbaycanlı yeni cinayət törədib. O, türmədə mübahisə zəminində digər məhbusu qətlə yetirib. Onu yeni məhkəmə gözləyir.
Novomoskovsk prokurorluğu qətldə şübhəli bilinən 36 yaşlı azərbaycanlıya qarşı ittiham irəli sürüb.
Azərbaycanlı 2014-cü ilin martında türməyə düşüb. Yeni cinayəti o təqribən 5 aydan sonra avqustda törədib.
“İki məhbus arasında münaqişə baş verib. Münaqişə zamanı azərbaycanlı bir neçə dəfə qaşığın itilənmiş sonluğu ilə kamera yoldaşının sol əlinə və döş qəfəsinə bir neçə dəfə zərbə endirib. Sonuncu zərbə onun ürəyinə dəyib və nəticədə məhbus dünyasını dəyişib”, prokurorluqdan bildirilib.
Hazırda azərbaycanlı həbsə alınıb. Açılmış cinayət işi baxılması üçün yerli məhkəmə orqanlarına göndərilib.
///Oxu.az
