Rusiyada "qadağan olunmuş” sənətçilərin yeni siyahısı məlum olub.
AZXEBER.COM Rusiya mətbuatına istinadən xəbər verir ki, siyahıya İvan Urqant, Maks Korj, Natalya Podolskaya, Quf, Djiqan, Valeri Leontyev, Anna Sedokova və Skriptonit kimi məşhur adlar daxildir.
Siyahıda olan müğənnilər arasında isə Dora, Dead Blonde, "Komsomolsk" qrupu, reper Markul, həmçinin gənc layihəçilər "Tima axtarır işıq", Green Apelsin və Alena Şvets var.
Siyahıya həmçinin mühacirətdə olan komediyaçılar - Artur Çaparyan, Vanya Usoviç, İrina Prixodko, Kirill Seleqey və Aleksandr Nezlobin də əlavə edilib.
"TikToker"lər arasında yer alan adlar isə Anya Pokrov, FLAFFYX və Vlad Hoşindir.
Tima Belorusskix və İnstasamka kimi münaqişədən danışmayan bəzi sənətçilərə də qadağa qoyulub.
Siyahıda yerli şou-biznes nümayəndələri ilə yanaşı xarici ulduzların da adları yer alıb.
Onlar arasında Beyonce, Lana Del Rey, Metallica, Florence and the Machine, Hozier və IAMX var.
Yenilənən siyahıya əlavə olunan simalarla yanaşı adı çıxardılan məşhurlar da var:
Yeqor Krid, Lyoşa Svik, Mişa Marvin, Sergey Lazarev, Tosya Çaykina və Feduk bu isimlərdəndir.
Stop siyahısına çılpaq gecənin iştirakçıları da daxil edilib. Bunlar Anna Asti, Filipp Kirkorov, Qlükoza və başqalarıdır.
Aysel
