Rusiyada Rusiya-Azərbaycan Gənclərinin Birinci Qarabağ Forumu keçirilir

 

Forumda Perm vilayətinin və Solikamski şəhərinin rəhbərliyi, şəhər gənclər komitəsinin sədri, Azərbaycan Diasporu İnformasiya Mərkəzinin sədri Toğrul Allahverdili, şəhərin deputatı Peliç Valiter, Perm vilayəti üzrə Azərbaycan Diasporunun sədri Çingiz İsayev, Solikamskidə Azərbaycan diasporunun sədri Uğur Əfəndiyev, Perm gənclər birliyinin sədri Rəşad Əkbərov, Salikamski Gənclər Birliyinin sədri Gülzar Kazımova, siyasətçilər, dövlət və ictimai xadimlər, gənclər, media quruluşlarının təmsilçiləri iştirak ediblər. 

Azərbayxan Diasporu İnformasiya Mərkəzinin Sədri Toğrul Allahverdili çıxışında Azərbaycan və Rusiya arası əlaqələrin möhkəmlənməsində, gələcək inkişafında digər sahələrin olduğu kimi, gənclər sahəsinin də çox böyük əhəmiyyət daşıdığını bildirib.

"İlk öncə Solikamskidə olmağımdan şad olduğumu bildirmək istəyirəm bizə göstərdiyiniz dəstəyə və forumun baş tutmasında yardımçı olduğuna görə Solikamski şəhər rəhbərliyinə, diaspor sədri Uğur Əfəndiyevə və xüsusən Azərbaycan Respublikası Prezidenti Yanında QHT- lərə Dövlət Dəstəyi Şurasına təşəkkürümü bildirirəm. Qeyd edim ki, Azərbaycan gənclər ölkəsidir. Ölkəmizin 20% torpaqları Ermənistan tərəfindən işğal olmasına baxmayaraq Azərbaycan günü- gündən inkişaf edir. Sevindirici haldır ki, Rusiya - Azərbaycan xalqları dost olduğu kimi hər iki ölkənin lideri V. Putin və Cənab İlham Əliyevində dostluq və qardaşlıq əlaqləri ən yüksək səviyyədədir. Bir daha Sizin şəhərdə olmağımdan şad olduğumu bildirərək Rusiya və Azərbaycan xalqına uğurlar arzu edirəm.” 

Perm vilayətində Azərbaycan diasporunun rəhbəri Çingiz İsayev iştirakçıları salamlayaraq, 28 May Respublika Gününün hər bir azərbaycanlı üçün dəyərli tarix olduğunu diqqətə çatdırıb.

O, müsəlman Şərqində ilk respublika olmuş Azərbaycan Xalq Cümhuriyyətinin xalqımızın demokratik əsaslarda qurulmuş müstəqil milli dövlətçiliyinin şanlı səhifəsi olduğunu xüsusi vurğulayıb.

Çıxış edən Solikamskidə Azərbaycan Diasporunun rəhbəri Uğur Əfəndiyev hər iki xalqın qardaşlıq- dostluq əlaqələrindən danışıb.

"İlk öncə hər kəsi salamlayır göstərdiyiniz dəstəyə və forumun baş tutmasına yardımçı olduğuna görə Solikamski şəhər rəhbərliyinə və Azərbaycan Respublikası Prezidenti Yanında QHT- lərə dövlət dəstəyi şurasına təşəkkürümü bildirirəm. Rusiya - Azərbaycan xalqları dost qardaş xalqlardır. Prezident V. Putin və Cənab İlham Əliyevində dostluğu buna subutdur. Biz Solikamski azərbaycanlıları buranı öz vətənimiz kimi sevirik, bir daha hər birinizə təşəkkür edir və uğurlar arzu edirəm.”

Perm vilayəti üzrə Azərbaycsn diasporunun gənclər birliyinin sədri Rəşad Əkbərov qeyd edib ki, Perm vilayətində ilk dəfə keçirilən bu tədbirin hər iki ölkənin gəncləri arasında sıx əlaqələrin qurulmasında, qarşılıqlı fikir, informasiya mübadiləsinin aparılmasında əvəzsiz rol oynayacaq. Qeyd edim ki, 2009-cu ildə, Heydər Əliyev Fondunun vitse-prezidenti Leyla xanım Əliyevanın təşəbbüsü ilə Rusiyada yaradılan AMOR Təşkilatı da hər iki ölkə gənclərinin müxtəlif toplantılarda bir araya gələrək, müxtəlif mövzular ətrafında dialoq qurub, fikir mübadiləsi aparmalarında böyük rol oynayır."

Daha sonra forum Respublika gününə həsr olunmuş filmin nümayişi və müzakirələrlə davam edib.