Rusiyanın Mədəniyyət naziri Olqa Lyubimova yeni növ koronavirusdan (COVID-19) sağalıb.
Bu barədə nazirin mətbuat katibi Аnna Usaçeva bildirib.
"Həkimlər onun işə çıxmasına icazə veriblər. Olqa Borisovna artıq işdədir və özünü yaxşı hiss edir. Xoşbəxtlikdən xəstəlik yüngül keçdi”, - deyə A. Usaçeva deyib.
Mətbuat katibi qeyd edib ki, O. Lyubimova evdə müalicə olunduğu müddətdə nazirliyin bütün şöbələri ilə daimi əlaqədə olub.
Qeyd edək ki, Mədəniyyət nazirinin koronavirusa yoluxması mayın 6-da məlum olub.
///APA
