Qanı yerdə qurumamış
Quzunun ölümünə…
Hönkür-hönkür ağlayarsan
Söyərsən “bismillah”ları
Sonra ləzzətlə
Dişinə çəkib kababı
Üstündən də tut arağı…
Bax belədir,
Səni sevmək
Bu qədər
Bəsit və mürəkkəb…
***
inan, dostum,
gözlədiyim o qar
mütləq yağacaq
Məhəmmədin ürəyindəki
Qara nöqtəni
Yuyan tək
Yuyacaq insanların ürəyini…
Bir gün hamı
Peyğəmbər olacaq…
…Və anlayacaqsan ki,
Mən kafir deyiləm…
***
övladını sinəsinə sıxmış,
gözlərini göylərə dikmiş,
çirkin fahişə…
ümidsiz təbəssümlə:
“Cənnət anaların ayaqları, altındadır”-
pıçıldayıb
gülümsədi,
sonra…
sonra
dünyanın
ən müqəddəs yağışları yağdı…
***
Qaranlıqda bir siqaret
alışdırarkən
Üzündəki kədərə
işıq tutmaqdır,
yalnızlıq…
sonra anlamaqdır ki,
çölə üfülədiyin,
qovmağa çalışdığın,
…kədər yox,
Yeganə Cansail. kultaz.com
