UEFA Çempionlar Liqasının liqa mərhələsinin püşkatma mərasimi keçirilib. Monakoda təşkil olunan tədbirdə Azərbaycan çempionu "Sabah"ın da rəqibləri müəyyənləşib.
Tarixində ilk dəfə Çempionlar Liqasına vəsiqə qazanan Bakı təmsilçisi əsas mərhələdə İspaniyanın "Barselona” (ev), Almaniyanın "Borussiya Dortmund” (ev), İspaniyanın "Vilyarreal” (səfər), İtaliyanın "Napoli” (ev), Çexiyanın "Slaviya Praqa” (ev), Norveçin "Vikinq” (səfər), İngiltərənin "Arsenal” və "Mançester Yunayted” (hər ikisi səfər) klubları ilə qarşılaşacaq.
İdman mütəxəssisi, tanınmış məşqçi Şahin Diniyev AZXEBER.COM-a açıqlamasında deyib ki, böyük komandaları Bakıya gətirmək böyük bir qəhrəmanlıqdır:
"Belə oyunlarda heç vaxt şans haqqında düşünmək real deyil. Sadəcə, "Sabah” artıq maksimum tapşırığı yerinə yetirdi və heç kimin gözləmədiyi nəticəni verdi. Artıq bu, "Sabah” üçün böyük uğurdur. Böyük komandaları Bakıya gətirmək böyük bir qəhrəmanlıqdır. Real olaraq düşünsək, "Sabah”ın 11-12 xal toplaması və ilk 24-lüyə düşməsi mümkünsüzdür”.
Qeyd edək ki, liqa mərhələsinə sentyabrın 8-də start veriləcək.
Şahanə Ziyad
