Məşhur "Santa Barbara" serialının ulduzu, aktrisa Marsi Uoker ciddi sağlamlıq problemləri ilə üzləşib.
AZXEBER.COM xarici mətbuata istinadən xəbər verir ki, bu barədə aktrisanın serialdakı keçmiş tərəf müqabili Ey Martinez şəxsi bloqunda məlumat verib.
Aktyor bildirib ki, Marsi ağır xəstəlikdən əziyyət çəkir. Məhz bu səbəbdən onlar həmkarı üçün canlı yayım açaraq pul toplayacaqlar.
Toplanan vəsaitin aktrisanın müalicə xərclərinə yönəldiləcəyi qeyd olunur.
Martinezin sözlərinə görə, Uoker ABŞ-da bahalı tibbi xidmətlər səbəbindən maliyyə çətinlikləri yaşayır. Bununla belə, o, aktrisanın diaqnozunu açıqlamayıb.
Qeyd edək ki, Marsi Uoker 1984–1991-ci illərdə yayımlanan "Santa Barbara" serialında "Eden Kepvell" obrazı ilə milyonlarla tamaşaçının sevgisini qazanıb. Aktrisa bu roluna görə 1989-cu ildə "Ən yaxşı gündüz efiri aktrisası" nominasiyasında Daytime Emmy Awards mükafatına layiq görülüb. Serialda onun sevgilisi, daha sonra isə həyat yoldaşı Kruz Kastilyo obrazını A. Martinez canlandırıb.
Aysel
