Sumqayıt şəhərini Saray qəsəbəsi ilə birləşdirən körpünün söküntü prosesinin ləngiməsi vətəndaşları narazı salıb.
AZXEBER.COM xəbər verir ki, bu barədə "Xəzər Tv” sujet hazırlayıb.
Sakinlər bildirib ki, söküntü işləri başa çatsa da, proses olduqca zəif həyata keçirilir.
Bununla yanaşı, vətəndaşların istifadə etdiyi yol dəyişdirilib: "Bizim üçün çox çətindir. Alternativ yol yoxdur, uşaqları məktəbə aparıb-gətirmək üçün 1 saat yol gedirik”.
Mövcud vəziyyətlə bağlı Azərbaycan Avtomobil Yolları Dövlət Agentliyindən "Xəzər Xəbər”ə bildirilib ki, ərazidə söküntü işləri yekunlaşıb və hazırda betonlanma prosesi həyata keçirilir: "Bunun üçün əraziyə çoxsaylı texnika və canlı qüvvə cəlb olunub. Sürücülərin və piyadaların hərəkəti nəzərə alınmaqla Saray körpüsünün qısa vaxt ərzində tikilərək istifadəyə verilməsi nəzərdə tutulub”.
