ABŞ-ın Florida əyaləti sakini Rayan Uilyam Vatermanın dənizdə iri bir balığı qucaqlayaraq çəkdirdiyi şəkil başına bəla olub. Vaterman özünün və iki körpə uşağının böyük balıqla birlikdə çəkilən şəkillərini “Facebook” sosial şəbəkəsində paylaşıb. Şəkilləri internetdə görən bir nəfər isə Vatemanı “Florida Balıq və Təbii Həyatın Mühafizəsi” dərnəyinə şikayət edib. Qeyd edək ki, Vaterman bu şikayət əsasında həbs olunub. Dərnək açıqlamasında, “Dəniz heyvanlarına belə yaxınlaşmaq zərərsiz və məsum görünə bilər. Amma daha sonra ciddi problemlər yaradar” – deyib.
