Antalyada müalicə olunduğu xəstəxanada vəfat edən arabesk musiqisinin ustad siması olan Ferdi Tayfurun cənazəsi İstanbula gətirilib.
AZXEBER.COM Türkiyə mətbuatınba istinadən xəbər verir ki, şənbə günü saat 12.00-da Tayfur üçün AKM-də vida mərasimi keçiriləcək.
Sənət aləmini kədərləndirən ölüm xəbərindən sonra Ferdi Tayfurun vəsiyyəti üzə çıxıb.
Tayfurun son illərdə verdiyi müsahibədə vəsiyyəti ilə bağlı işlətdiyi ifadələr sosial mediada yenidən gündəmə gəlib.
Tayfur vəsiyyəti ilə bağlı çıxışında mahnılarının müəllif hüquqları ilə bağlı aşağıdakı ifadələrdən istifadə etmişdi:
"Mən sağ olanda da, öləndə də mahnılarımı qoruyacağam ki, hər kəs onlara pul ödəmədən qulaq assın. Çünki o mahnıları mənim övladlarım və ya varislərim ifa etməyib, mən oxumuşam. Qoy xalq da onları oxusun və dinləsin. Mahnılarımı yaşadın və onlardan faydalanın”.
