Azərbaycanlı ekspert Elxan Mehdiyevdən şok iddia
8 ildən artıq Macarıstan həbsxanasında saxlanılan azərbaycanlı zabit Ramil Səfərovun Azərbaycana ekstradisiya edilərək azadlığa buraxılması Ermənistanda ciddi narahatlığa səbəb olub. R.Səfərovun azadlığa çıxması xəbərindən dərhal sonra Ermənistan prezidenti Serj Sərkisyan Təhlükəsizlik Şurasının toplantısını keçirib və bundan sonra atacaqları addımları müzakirə edib. Təbii ki, Ermənistan tərəfinin bu məsələdən asanlıqla əl çəkəcəyini gözləmək olmaz. Siyasi ekspert Elxan Mehdiyev S. Sərkisyan Ermənistan milli təhlükəsizlik nazirinə Ramil Səfərovu öldürmək tapşırığını verdiyini deyir. Ermənist prezidentinin Təhlükəsizlik Şurasının toplantısındakı çıxışından sonra məhz belə bir qənaətə gəlmək olar: «Sərkisyan milli təhlükəsizlik naziri Qorik Akopyana səslənərək ona xüsusi tapşırığının olduğunu deyib və bun Ermənistan informasiya agentlikləri geniş yayıb. Bu cümlənin açması Ramil Səfərovun öldürülməsi tapşırığından başqa bir şey deyil. Bu cür iddia etməyim Sərkisyanın qatil təbiətindən irəli gəlir».Ekspertin sözlərinə görə, Sərkisyanın xarici səfirlərlə görüşündəki çıxışında da eyni məqamları görmək çətin deyil. Ermənistan prezidenti deyir ki, Ramilin azad olmasına dözə bilmərəm, Ermənistan respublikasi dözə bilməz və erməni xalqı bunu bağışlamaz. Erməni dilində bu Ramil Səfərovu öldürmək deməkdir. Ekspert ermənilərin bu cür qətllər, terror təcrübələrinin olduğunu deyərək 1918-20-ci illərdə Azərbaycan və Türkiyə hərbi və siyasi liderlərini ustalıqla öldürdüklərini xatırlatdı: «Bu işə baş terrorçu Sərkisyan qatılırsa, bu o deməkdir ki, burada həm hökumət, həm də qeyri-formal qurumların hamısı işə salınacaq. Həm də hansı qonşu ölkələrin Ermənistanın kəşfiyyat orqanları ilə işlədiyini hamı bilir».Ekspert Ramil Səfərovu öldürülməsinin ermənilər tərəfindən “namus’ məsələsinə çevrildiyini deyir: «Əgər onlar bu qətli həyata keçirərlərsə, o zaman erməni tərəfi qalib gələcəkdir. Bu məsələ indi Azərbaycan təhlükəsizlik orqanları üçün də şərəf məsələsinə çevrilməlidir. Azərbaycan xalqı bir daha bilməlidir ki, ermənilər dinc yolla heç bir qarış torpaqdan çıxmayacaqlar. Ermənistanın başında oturan canilər və hərbi cinayətkarlardır. Onların anlayacağı dil də tamam başqadır. Azərbaycan torpaqlarını azad etmək istəyirsə, buna hazır olmalıdır». // azadliq.info
