O QƏDƏR GÖZƏLSƏN O QƏDƏR GÖZƏLSƏN, gözəlliyindənGözlərim qamaşır, dilim olur lal.Duyğu qatarları keçir könlümdən,Min arzu, min istək yaradır xəyal.O qədər gözəlsən, keçdiyin yollarBayram libasına bürünür sanki.Qış günü çağlayır içimdə bahar —Görəsən, beləmi yaranır sevgi?O qədər gözəlsən, günəbaxantəkGözlər sənə dönür, haradan keçsən.Ağır imtahana dözməyir ürək —Qısqanc fikirlərdən hara qaçım mən?O qədər gözəlsən, mat qalır qələm —Tanrı hansı gündə yaratdı səni?Özün bir tanrısan — sənə bəndəyəm,Tanrım gözəlliyə bağışlar məni.SƏNDƏN BAŞQASINI İSTƏMİR ÜRƏK Yalvardım,Yaxardım,Olmadı —Demək,Səndən başqasını istəmir ürək !İstəmir şahzadə, igid, qəhrəman,İstəmir dünyanın ən gözəlini,Səni arzulayır o,Yalnız səni!İstəyir dərdindən sızlayan zaman,İstəyir ən xoşbəxt dəqiqəsində,İstəyir ömrünün hər vədəsində!Hazırdır qul kimi hər istəyinə,Hazırdır ölümə -- sənin yerinə!İndi hökm sənin, fərman sənindir,Ya əbədi qəm ver, ya da sevindir,Ya öldür, ya da ki həyat ver ona —Hakim ol bir zəngin könül taxtına.EHTİYACIM VAR SƏNƏ Ehtiyacım var sənə --Təmiz hava, su kimi.Bir qəlbin döyüntüsü, Ruhun duyğusu kimi. Ehtiyacım var sənə --Azacıq ümid qədər,Məni çarəsiz görübYaxın gəlməsin kədər.Ehtiyacım var sənə --Sükutda bir səs kimi,Zülmətdə nur zərrəsi,Canda bir nəfəs kimi.Qəfəsdə əsir olan qanadlı bir varlığıngöyə ehtiyacıtəkEhtiyacım var sənə!Qumda çırpınıb qalançarəsiz bir balığınsuya ehtiyacıtəkEhtiyacım var sənə! Sədaqət Əhmədova
