Müğənni Səidə Sultan illərdi sevgi yaşadığı şəxslə ayrılıb.
AZXEBER.COM xəbər verir ki, müğənni bu haqda "ATV maqazin 10-larla" verilişində danışıb. Müğənni sevgisini ətrafın fikirlərinə görə bitirdiyini deyib:
"Hər bir şeyimi qurban verdim. Heç bir qızın və oğlanın etmədiyini mən etdim. Amma alınmadı. Mən yaxşı oğlana ərə gedəcəm və bunu hamıya da sübut edəcəm. Elə-belə oğlanla evlənə bilmərəm. İllərimi qurban verdim o insana sonunda bezdim. Dedim sağol, mən pisəm təki siz yaxşı olun. Dalıyca düşüb ağlayan deyiləm ki? Cəmiyyətin qınağına görə məndən ayrıldı.
Sevirsən onun ətrafı başlayır ki, yaxşı oğlandı, başqasına qismət olsun. Bizi ayıranlara demək istəyirəm, sənin qızın böyüyür nə bilmək olar o necə olacaq. Amma görürsən ki, onunda sevgisi ətrafa görə cılızlaşır. Elə cəmiyyətə Allah lənət etsin. Mən özümə görə yaşayıram cəmiyyətə görə yox”.
Müğənni ailə quracağı bəy haqqında da danışıb:
"Mən sevgidən ötrü canımı da verərəm. Bilirəm ki, arxasıyca getsəm öləcəm yenə də gedərəm. Mən yaxşı oğlana ərə gedəcəm. Ər xatirinə gedə bilmərəm. Qadını yaxşı edən də kişidir, onu pis yola salan da kişidir. Əgər qadın pis yoldadırsa, onun başında kişi durur. Qadını pis yola vadar edən də kişidir. Mən də özümə görə xanımam amma şən xanımam".
Nazim Qasımzadə
