Azərbaycan Kıbrıs Dostluq Cəmiyyətinin üzvləri Türkiyədə baş verən son olaylarla bağlı bəyanatla çıxış ediblər.
AZXEBER.COM xəbər verir ki, bəyanatda deyilir:
Hörmətli həmvətənlilərimiz və qardaş Türkiyə xalqı! Biz, Şimali Kipr Türk Respublikasında yaşayan azərbaycanlılar olaraq, Türkiyədə baş vermiş hadisələri üzüntü ilə izlədik. Dünyanın müxtəlif ölkələrində yaşayan azərbaycanlılar kimi, bizlər də böyük Türkiyə dövlətinin daxilinə sabitliyi pozan, ölkənin müstəqilliyini təhdid edən, dinc əhalinin ciddi anlamda hüquqlarını pozan bu davranışı qınayırıq. Hər hansi səbdən asılı olmayaraq heç bir müasir dünya dövlətində bu kimi hadisələrin olması beynəlxalq hüquqa və Türkiyə Dövlətinin Konstitusiyasina zidd bir addım kimi qiymətləndirilməlidir. Əsası Türk Dünyasının Ulu Öndəri Heydər Əliyev tərəfindən qoyulan Türkiyə-Azərbaycan birliyi, sarsılmaz mənəvi bağlarımız, bu cür xoşagəlməz hadisələrdə bizi biraz daha birləşdirməlidir. Biz Azərbaycanlılar, qardaş Türkiyə Dövlətini tək dövlət, tək millət və tək bayraq olaraq qəbul edir, ümumdünyada yaşayan azərbaycanlilar kimi, Qardaş Tükiyə xalqı və dövlətinin yanında olduğumuzu bir daha bəyan edərək, tezliklə vəziyyətin tam şəkildə sabitləşəcəyinə əminliyimizi bildiririk. Azərbaycan-Kıbrıs Dostluq
Cəmiyyətinin ŞKTR-da yaşayan azərbaycanlılar adından
AKDC Sədri Orxan Həsənoğlu
