Rumıniyanın Suceava iqtisadi regionunun Draguseni rayonunda, Buxarest istiqamətində E85 milli magistralı üzərində yerləşən yanacaqdoldurma məntəqəsi “SOCAR” brendi altında fəaliyyətə başlayıb. Azərbaycan Dövlət Neft Şirkətinin mətbuat xidmətindən verilən məlumata görə, bu yerdə əvvəllər də fəaliyyət göstərmiş YDM yenidən tikilib, rebrendinq olunaraq, istismara verilib. Açılış mərasimində Azərbaycanın Rumıniyadakı səfirliyinin, “SOCAR Petroleum SA” şirkətinin və yerli idarəçilik qurumunun nümayəndələri iştirak ediblər. Bildirilib ki, 2800 kvadrat metr sahədə yerləşən YDM-də Euro Dizel 95, Super Euro Dizel 98, Benzin 95 və 98 tipli yanacaq məhsullarının satışı həyata keçiriləcək.
