ABŞ sakini Valerie Spruill həyat yoldaşının ölümündən sonra həyatını alt-üst edən həqiqəti öyrənib. DNK analizinin nəticələrinə görə qadının həyat yoldaşı Persi Spruill əslində onun heç vaxt tanımadığı atası imiş.
Teleqraf.com-un Türkiyə mətbuatına istinadən verdiyi məlumata görə, Amerika vətəndaşı Spruill ata-anasını heç vaxt görməyib. Uzun illərdən sonra ortaya çıxan əmisi Spruillin həyat yoldaşının onun atası olduğunu açıqlayıb. Spruill həyatını məhv edən sirlərin necə ortaya çıxdığını bu cür ifadə edib: “ Həyat yoldaşım 6 il əvvəl vəfat edib. O vaxtlar həyat yoldaşımla mənim münasibətim haqqımda çox saylı söz-söhbətlər gəzirdi, amma mən əhəmiyyət vermirdim. Ancaq həyat yoldaşımın vəfatından sonra əmim mənə indiyə qədər gizlətdiyi bütün həqiqətləri açıb dedi. Əmim həyat yoldaşımın atam olduğunu açıqladı. Bu xəbəri eşitdikdən sonra DNK analizi verdim və dəhşətli nəticəni qəbul etmək məcburiyyətində qaldım. Mənim fikrimcə, həyat yoldaşım mənim atam olduğunu bilib, amma mənim reaksiyamdan çəkindiyi üçün bunu mənə deməyib".
