TQDK ölkədə imtahan vermədən diplom alanların sayını açıqlayıb
Tələbə Qəbulu üzrə Dövlət Komissiyası (TQDK) Azərbaycanda saxta diplomlu şəxslərin statistikasını açıqlayıb.
“Tələbə-məzun dövlət elektron məlumat sistemi”nin bu gün keçirilən təqdimat mərasimində TQDK sədri Məleykə Abbaszadə bildirib ki, 1992-2011-ci illər arasında Azərbaycanda ali məktəblərə 1 milyon 978 min 226 nəfər imtahan verib. Onlardan 615582 nəfəri tələbə adını qazanıb. 22332 nəfər isə TQDK-nın “qara bazası”na düşüb. Belə ki, onlar imtahan verməsələr də, əllərində ali məktəblərin diplomları var.
