Almaniya kansleri vəzifəsini icra edən Olaf Şolts "Almaniya üçün Alternativ" (AfD) partiyasının qadağan edilməsi prosedurunda tələsməməyin lazım olduğunu bildirib.
Bu barədə "Reuters” məlumat yayıb.
"Mən tez zərbəyə qarşıyam, biz təsnifatı diqqətlə qiymətləndirməliyik", - O.Şolts bildirib.
O qeyd edib ki, Almaniya Konstitusiyasının Müdafiəsi üzrə Federal İdarə AfD-nin sağçı ekstremist kimi təsnifatı üçün çox ətraflı əsaslandırma təqdim edib: "Lakin partiyanın mümkün qadağan edilməsi proseduru tələsik olmamalıdır”.
Daha əvvəl Almaniya Konstitusiyasının Müdafiəsi üzrə Federal İdarə "Almaniya üçün Alternativ" partiyasının bütövlükdə sağçı ekstremist kimi təsnif etmişdi. Bununla yanaşı, AfD-nin mümkün qadağan edilməsi ilə bağlı siyasi müzakirələrin sürətlənəcəyi ehtimal olunur.
\report
