AZXEBER.COM xəbər verir ki, bunu Qaynarinfo-ya açıqlamasında professor Adil Qeybulla hazırda ölkədə geniş yayılan virusdan danışarkən deyib.
O bildirib ki, xəstəlik daha çox mədə-bağırsaq şikayətləri - qarın ağrısı, ürək bulanma, qusma kimi əlamətlərlə özünü göstərir:
"5 yaşına qədər istəlinən uşaq ildə bir dəfə rotavirusa yoluxur. Əvvəl bu xəstəlik uşaqlar arasında yayılırdı, artıq yaşlı adamlar da bu virusa yoluxur. Bəzən virus güclü ishal yaradır. Əgər xəstəliyin qarşısı vaxtında alınmasa və maye itkisi çoxalarsa, bəzi şəxslərdə hətta ölümə gətirib çıxarda bilər. Bu səbəbdən xəstəlik bir neçə gün davam edərsə, mütləq həkimə müraciət etmək lazımdır. Bundan əlavə, bəzi gigiyenik tədbirlər də görülməlidir ki, virus ailədə başqalarına yoluxmasın. Virus əsasən fekal-oral (xəstənin ifrazatlarının hansısa yolla əllərə, oradan isə ağız boşluğuna düşməsi) yolla yayılır".
Adil Qeybulla hesab edir ki, xəstəliyə yoluxan şəxs ilk növbədə maye qəbuluna diqqət etməlidir:
"Həddən artıq qarın gedərsə, o zaman mədə-bağırsaq traktının aktivliyini endirən dərmanlar qəbul etmək lazımdır. Bundan əlavə, maye itkisi çoxdursa, xəstəyə müxtəlif infuziyalar olunmalıdır ki, bərpa oluna bilsin. Dehidratasiya ürək və xroniki arterial xəstələri üçün çox təhlükəlidir".
Professor virusun həyat üçün təhlükəli olmadığını vurğulayıb:
"Virus pandemiyaya meyilli deyil. Onun peyvəndlərindən istifadə etmək olar. Vaksinasiya virusun qarşısını alır və bu məqsədəuyğundur".
