Xəbər verdiyimiz kimi, magistraturaya qəbul imtahanlarının nəticələri açıqlanıb. İmtahanda ən yüksək nəticə 98 bal olub. Bu nəticəni Dövlət İdarəçilik Akademiyasının tələbəsi Ağaverdiyev Aydın Habil oğlu əldə edib.
AZXEBER.COM xəbər verir ki, magistr olmaq istəyən həmyaşıdlarını geridə qoyan Aydın Ağaverdiyev təəssüratlarını Modern.az-la bölüşüb
O bildirib ki, imtahana hazırlıq prosesi olduqca çətin mərhələdir:
"Yüksək nəticə göstərdiyim üçün çox sevincliyəm. Prezident yanında Dövlət İdarəçilik Akademiyasının Hüquqşünaslıq fakültəsində ali təhsil almışam. İmtahana hazırlaşmaq çox uzun və çətin yol idi. Yeddi ay ərzində hazırlaşmışam. Son həftədə cəmi 1-2 saat yatmışam”.
A.Ağaverdiyev xaricdə ali təhsil almağı düşünmədiyini söyləyib:
"Ölkəmizdə sahəm üzrə yüksək səviyyədə magistr təhsili ala bilərəm. Böyük ehtimalla magistr təhsilimi Prezident yanına Dövlət İdarəçilik aaademkiyasında alacağam”.
