Xəbər verdiyimiz kimi, bu gün səhər saatlarından etibarən Bakının “Sovetski” adlanan ərazisində evlərini müəyyən edilmiş şərtlərlə sökülməsilə razılaşmayan sakinlərin mənzillərinin söküntüsünə başlanılıb.
Söküntü ilə bağlı sakinlərlə Yasamal rayon İcra Hakimiyyətinin əməkdaşları arasında qarşıdurma yaşanıb. Yasamal rayon 26-cı Polis bölməsinin əməkdaşları texnikaların qarşısını kəsən sakinləri polis bölməsinə aparıb.
Söküntü prosesi zamanı maraqlı hadisələr də yaşanıb. Belə ki, AZXEBER.COM-un əməkdaşı ilə söhbətində evi sökülən sakinlərdən biri icra hakimiyyətinin əməkdaşları tərəfindən necə aldadıldığından danışıb:
“Məni və ailəmin 4 üzvünü evdən çıxarda bilmirdilər. Daha sonra icra hakimiyyətinin əməkdaşları məni çölə çağıraraq evimə veriləcək pulu artırdıqlarını dedilər. Onlar məndən bunu heç kimə deməməyimi xahiş etilər. Mən də çölə çıxıb onlarla razılaşmağa qərar verim. Elə bu zaman buldozerlə evimi uçurmağa başladılar. Evdəkilər də son anda qaçıb canlarını qurtara bildi”.
Həmin evin fotosunu təqdim edirik:
