Dünən Space Tv-nin “Hər gün” xəbərlər proqramının aparıcı Elvin Basqallının təqdimatında efirə gedən saat 20.00 buraxılışında şoksayıla biləcək hadisə baş verib. Belə ki, aparıcı uşaqların və əsəbləri zəif olanların ekran qabağından uzaqlaşması üçün heç bir xəbərdarlıq etmədən Uqandada dayənin uşağa verdiyi işgəncəni əks etdirən video yayımlanıb. Video bitdikdən sonra isə aparıcı bu videonu efirdən qabaq izləmədiyini və dəhşətə gəldiyini bildirərək tamaşaçılardan üzr istəyib.
Lakin proqramı izləyənlər arasında uşaqlar da olub və narahatlıq yaşanıb. Bu barədə peşəkar teleaparıcı İradə İsaq öz facebook səhifəsində belə qeyd edib: “Ayyyyyyyy zuuuuuuuurnaliiiiistlərrrrrr, uşağın döyülməsini efirə verməzlər. Mənim oğlem kadrdan qorxub o biri otağa qaçdı. Ay nə deyim, nələr, bu ölkə Uşaq hüquqlarının qorunması ilə bağlı Cenevrə Konvensiyasına qoşulub. Bu kadrlarınız beynəlxalq prinsiplərin kobud şəkildə pozulmasıdır. Normal ölkədə məhkəmədən qurtulmazdınız. Heç olmasa əvvəlcə xəbərdarlıq edin, ürəyi zəif olanlar baxmasın! Çərlədik, əlinizdən!!!”
Jurnalist Zülfiyyə Qurbanova da bu hadisəyə kəskin etiraz edib və MTRŞ-ni qınayıb: “Space Tv dünən dayənin körpə uşağı döymə səhnəsini efirə verdi. Döymək də necə döymək. Dayə uşağı təpiyinin altında tapdalayır. Mən yaşda adam, üstəlik xəbər adamı olduğum halda kadrlardan sarsıntı keçirdim. Bu qədər də olmaz axı… Belə şeyləri efirə verməzlər. MTRŞ hara baxır?”
Ümid edirik ki, MTRŞ bu cür hallara qarşı gec də nəhayət reaksiya verəcək. Həmin videonu təqdim edirik://yenilik.az
