Sudan ordusu martın 21-də Xartumdakı prezident sarayına tam nəzarəti ələ keçirib.
Agentlik mənbələrə istinadən xəbər verir ki, ordu sarayın yaxınlığında axtarış əməliyyatları aparır, Çevik Cavab Qüvvələrinin (RSF) üzvlərini təqib edir.
Şahidlərin "Reuters”ə verdiyi məlumata görə, paytaxt Xartumun bəzi mərkəzi ərazilərində arabir atəş səsləri eşidilir.
Müharibədən əvvəl hökumətin iqamətgahı olan, Sudan əskinaslarında və poçt markalarında əbədiləşdirilən Respublika Sarayının - Nil çayı boyunca yerləşən kompleksin ələ keçirilməsi 2023-cü il aprelin 15-də müharibə başlayandan bəri ilk dəfə oraya daxil olan Sudan ordusunun böyük döyüş uğurunu göstərir.
Sudan ordusu ilə RSF arasında döyüşlər bu yaxınlarda hərbçilərin Xartumun böyük hissələrinə nəzarəti ələ keçirməsindən sonra intensivləşib.
Sudandakı vətəndaş müharibəsi artıq onminlərlə insanın ölümünə və 12 milyondan çox insanın evsiz qalmasına səbəb olub, dünyanın ən böyük aclıq və köçkünlük böhranına səbəb olub.
///report
