Gəncə şəhərinin icra başçısı Eldar Əzizovun vəzifəsindən çıxarılıb Sumqayıt şəhərinə icra başçısı təyin edilməsi ilə bağlı məlumatlar yayılıb.Azxeber.com-un məlumatına görə, yayılan məlumatlarda bildirilir ki, bununla bağlı bu gün prezident İlham Əliyev sərəncam imzalayıb. Prezident həmçinin, Sumqayıtın icra başçısı Vaqif Əliyevi vəzifəsindən kənarlaşdırılması ilə bağlı qərar verib. Məlumatlarda o da bildirilir ki, V. Əliyev də Gəncəyə icra başçısı göndərilib.
Qaynar.info-nun yaydığı məlumatda isə bildirilir ki, Vaqif Əliyev Mədəniyyət və Turizm nazirinin birinci müavini təyin olunub.
Prezidentin digər sərəncamı ilə Yevlax rayon İcra Hakimiyyətinin başçısı Yelmar Vəliyev Gəncəyə icra Başçısı təyin olunub. Onun birinci müavini isə Yevlaxın yeni icra başçısı olub.
Daha bir sərəncamla Daşkəsən rayonu İcra hakimiyyətinin başçısı Tahir Kərimov Salyan rayonuna icra başçısı təyin olunub.
