Sumqayıt şəhərində yaşayan 42 yaşlı Anatoli Serebyakov keçmiş həyat yoldaşı Aytən Mehbalıyeva tərəfindən həm maddi, həm də fiziki zorakılığa məruz qaldığını iddia edib.
AZXEBER.COM Xəzər TV-yə istinadən xəbər verir ki, Serebyakovun sözlərinə görə, evli olduqları zaman Aytən Mehbalıyeva gizli şəkildə əmlak və vəsaitləri öz qardaşının adına keçirib.
Boşanma ərizəsi təqdim olunduqdan sonra Serebyakov bildirib ki, Aytən Mehbalıyeva və üç nəfər birlikdə onun yaşadığı evə gələrək ona fiziki zorakılıq tətbiq edib.
Keçmiş həyat yoldaşı Aytən Mehbalıyeva isə bütün iddiaları rədd edib və döyülmə barədə deyilənlərin əsassız olduğunu bildirib.
Faktla bağlı hüquq mühafizə orqanları tərəfindən araşdırma aparılıb və toplanmış materiallar məhkəməyə göndərilib.
Mövzu ilə bağlı daha ətraflı videomaterialı təqdim edirik:
