AZXEBER.COM-un Xezerxeber.az-a istinadən məlumatına görə, intensiv hərəkətin olduğu yol gediş və gəliş üçün cəmi iki zolaqdan ibarətdir. Avtobus dayanacaqlarında xüsusi ciblərin, yol boyu isə nəqliyyat vasitələrinin dayanması üçün çiyinin olmaması vəziyyəti daha da çətinləşdirir. Avtobus dayanan zaman arxadakı avtomobillər ya gözləməli, ya da ötüb keçmək üçün qarşı zolağa çıxmalı olurlar.
Sürücülər yolun genişləndirilməsini istəyirlər.
Əsas çətinliklərdən biri də avtobus dayanacaqlarında yaranır. Xüsusi ciblər olmadığından sərnişin mindirib-düşürmək üçün dayanan avtobus hərəkət zolağını tam bağlayır. Arxadan gələn sürücülər ya avtobusun hərəkətə başlamasını gözləyir, ya da onu ötüb keçmək üçün əks hərəkət zolağına çıxırlar.
Məsələ ilə bağlı Yerüstü Nəqliyyat Agentliyindən "Xəzər Xəbər"ə bildirildi ki, sözügedən yolun eni əlavə zolaqların təşkilinə imkan vermir.
Qanunvericiliyə əsasən, ərazidə sürətli yol olmadığına və son dayanacaq yerləşmədiyinə görə "cib" tipli avtobus dayanacağının təşkili məqsədəuyğun deyil. Yolda ötmə imkanları mövcuddur. Bu səbəbdən avtobuslardan minib-düşmə zamanı ciddi ləngimə müşahidə edilmir.
