Sabiq rəisin ailə üzvləri hətta nəvələri ilə Dubay reysi ilə uçduğu bildirilir. Tağı Əhmədovun həbs olunacağı haqda informasiyalar onun ölkədən birdəfəlik getməsi ehtimalını artırır.
AZXEBER.COM-un məlumatına görə, martın 19-da Bakı Metropoliteninin sabiq rəisi Tağı Əhmədov səhər saat 10:05 reysi ilə Dubaya gedib. Bu barədə MeydanTV-yə Heydər Əliyev adına hava limanındakı mənbələr məlumat verib. Bildirildiyinə görə Tağı Əhmədov hava limanında tək deyilmiş. Onunla birlikdə ailəsi və hətta nəvələri də Dubaya uçublar.
**
14:26
Bakı Metropolitenin sabiq rəisi Tağı Əhmədovun ölkəni təkr etməsi xəbəri yayılıb. Bununla bağlı Publika.Az -n sualına cavabında T. Əhmədov ölkədə olduğunu deyib: “Bunu kim deyir? Mən ölkədəyəm”.
Qeyd edək ki, yayılan məlumatlara görə, bu gün səhər saat 10:05 reysi ilə Dubaya gedib. Məlumata görə, onunla birlikdə ailəsi və nəvələri də ölkəni tərk edib
