Bakı şəhərinin mərkəzində yerləşən “Şaurma”, “Mado”, “All chicken” restoranlarının küçə ticarətinə son qoyulub.
AZXEBER.COM-un məlumatına görə, fəvvarələr meydanında yerləşən məşhur restoranlar yay aylarında küçələrə stollar çıxartmaqla şəhərdə gəzintiyə maneçilik törədirdi. Artıq sözügedən restoranların hegemonluğuna son qoyulub.
Səbail Rayon İcra Hakimiyyətin ictimai-siyasi məsələlər üzrə şöbə müdiri İsrafil Kərimovun AZXEBER.COM-a verdiyi məlumata görə, bütün bu obyektlərin yığışdırılması Bakı Şəhər İcra Hakimiyyəti tərəfindən təstiqlənib:
“Bu məsələlərlə Bakı Şəhər İcra Hakimiyyətinin Ticarət və Xidmət Departamenti məşğul olur. Təbii ki, qanunla nəzərdə tutulduğu qaydada həmin obyektlər yığışdırılıb. Həmin obyektlər qeyri-qanuni olaraq kənarda ərazini zəbt etmişdilər”.
