Bu gün axşam saatlarında “Tarqovı” dakı “Mum” restoranında qanlı hadisə baş verib.
Hadisə şahidlərinin AZXEBER.COM-a verdiyi məlumata görə, dava qız üstündə baş verib. Belə ki, qızla restorana daxil olan oğlan yanındakı qızın restoranda olan başqa tanışı ilə danışdığını görüb onların üzərinə hücum çəkib. Əlbəyaxa dava zamanı qızın tanışı olan oğlan ağır bədən xəsarətləri alıb.
Bir neçə dəqiqə sonra isə dava yenidən qızışıb. Gəldiyi qızla restoranı tərk etmək istəyən oğlan bu dəfə qızın onunla getməməsinə əsəbləşərək onu da döyməyə başlayıb. Zərərçəkənin dostlarının hadisə yerinə gəlməsi isə baş verən insidenti daha da böyüdüb.
Retoranın təhlükəsizlik xidmətinin olmaması insidentin böyüməsinə səbəb olsa da, hadisə yerinə Səbail RPŞ-nin əməkdaşları gəlib. Polisin gəlməsinə baxmayaraq, davaya səbəb olanlar hadisə yerindən qaça biliblər. Polis restoranın sahibini və hadisəyə şahidlik edən ofisantlardan birini polis bölməsinə aparıb.
AZXEBER.COM qanlı olayın baş verdiyi restorandan çəkilən görüntüləri təqdim edir. Görüntülərdə davadan sonra yerdə qalan qan izləri görünür.
