Mərasim “Mardan Palace” otelində keçiriləcək

Tarkan Türkiyədə yaşayan azərbaycanlı iş adamı Telman İsmayılovun oğlu Sərxan İsmayılovun bu axşam düzənlənəcək nişan mərasimində oxuyacaq. Müğənni nişanda iştirak etmək üçün dünən Antalyaya gəlib. Hava limanında onu gözləyən jurnalistlərin suallarını cavablandırmayan sənətçi tələsik avtomobilə minərək otelə gedib. Mərasim Telman İsmayılovun “Mardan Palace” otelində təşkil ediləcək. Mərasimə Tarkanla bərabər dünyanın bir çox tanınmış ulduzları da qatılacaq.