AZXEBER.COM xəbər verir ki, layihənin rəhbəri Ceyhun Əhmədov TEDX haqqında gənclərə geniş məlumat verib.

 

O deyib ki, layihə dünyada çox geniş yayılıb və Azərbaycanda da Gənclər Fondunun dəstəyi ilə reallaşır: "TED ictimaiyyət qarşısında nitq söyləmək istəyənlər üçün bir platformadır. 30 ildir ki, dünya alimlərini, siyasətçilərini, sahibkarlarını, mədəniyyət xadimlərini və onlarla digər ixtisas sahiblərini bir arada birləşdirən TED (Texnologiya, Əyləncə, Dizayn) adlı konfrans ilk dəfə 1984-cü ildə baş tutub. Bu günə qədər TED səhnəsində ABŞ-ın keçmiş prezidenti Bill Clinton, Nobel mükafatıçısı James Watson, Microsoft’dan Bill Gates, Google’dan Eric Schmidt kimi spikerlər çıxış edib. İstəyimiz bu layihəni Azərbaycanda daha təkmilləşdirərək keçirməkdir. Bu gün fərqli düşüncəsi, rəngarəng həyatı, xüsusi bacarıqları, yüksək dünya görüşü, maraqlı uğur hekayələri olan və tanınmayan yüzlərlə gənclərimiz var. TEDxOdlarYurdu bu gənclər üçün fikirlərini bölüşmələrinə şərayit yaradacaq bir platforma oldu".

 

Layihənin açılışında QHT rəhbərləri, jurnalistlər, universitet rəhbərliyi, İKT mütəxəssisləri iştirak edib. Layihənin açılış mərasimində qonaqlara ətraflı məlumat verildi və onlara tədbirin əhəmiyyəti, önəmi haqda danışıldı. Layihə Azərbaycanın müxtəlif təhsil ocaqlarında baş tutub. İlk olaraq Xarici Dillər Universitetində baş tutan tərbirdə ekspertlər və öz sahələrinin peşəkarları gənclər uğur formulu haqda danışdılar.