Aparıcı, prodüser Tarix Əliyev sosial şəbəkə hesabında ad çəkmədən xəbərdarlıq ünvanlayıb.
AZXEBER.COM xəbər verir ki, o, haqqında danışan kəslərə cəsarətli olmağı tövsiyyə edib.
O, bəzi məşhurların başqalarının təsiri altında qalaraq addım atdıqlarını deyib:
"Şou-biznesdə olduğum gündən bir çox müğənni ilə işləmişəm, amma heç vaxt onların qanadı altında gizlənməmişəm. Özüm bir fiqur olmuşam və bu fiquru özüm yaratmışam. Heç kim məni Tolik etməyib, özüm medianın, televiziya kanallarının və ən önəmlisi tamaşaçıların marağını cəlb edə bilmişəm. Bugünkü müğənnilərin bəziləri əlindən gələnin ən yaxşısını edir, amma insanların diqqətini cəlb etməyi bacarmırlar. Hətta illərlə səhnədə olan bəzi ulduzlar belə insanlara təsir edə bilmir. Bir neçə gündür görürəm ki, kimlərsə nəsə demək istəyir, amma adımı çəkməyə hünəri olmur. Məncə, cəsarət ən böyük xüsusiyyətdir və cəsarətli olmaq lazımdır. Əgər ürəyində mənə qarşı fikrin varsa, onu açıq və aydın ifadə etməlisən. Heç bir müğənninin və ya imkanli bir adamın təsiri altında olmamalısan. Çünki mən həmişə müstəqil olmuşam və heç vaxt kiminsə maşası olmamışam. Kim olmasından asılı olmayaraq, qarşımda olan hər kəs öz cavabını alacaq".
Aysel
