MTV Azərbaycan kanalında 3 aydır davam edən "Toylar Kralı” layihəsinin finalı olub.
AZXEBER.COM xəbər verir ki, 15 il sonra bu layihəni yenidən reallaşdıran prodüser və aparıcı Tarix Əliyev olub.
Həm layihənin rəhbəri, həm də aparıcısı olan T. Əliyev müsabiqəni SMS-siz keçirmək qərarı verib.
Onun məqsədi musiqi savadı olan və təcrübəli musiqiçilərin qalibi seçməsi olub.
Yarışmada Azərbaycanın müxtəlif bölgələrindən gələn müsiqiçilər iştirak edib.
Yarışmanın münsiflər kürsüsündə mərhum Əməkdar artist Cavanşir Məmmədov, Əməkdar artistlər Gülüstan Əliyeva, Rahidə Bəndəliyeva, Saqif Məmmədov, Sahib İbrahimov və müğənni Manaf Ağayev əyləşib.
Layihənin qalibi İlkin və Elnur Talıbov qardaşları olub.
II yer Saatlı rayonundan gələn iştirakçı Kənan Heydərov, III yerin qalibi isə Xızı rayonundan gələn Rahim Bəxşiyev olub.
Qeyd edək ki, "Toylar Kralı” layihəsi ilk dəfə 2009-cu ildə fəaliyyəti dayandırılmış ANS kanalında yayımlanıb. Layihənin qalibi Manaf Ağayev olub.
