ABŞ Prezidenti Donald Tramp İrana qarşı daha bir təhdidlə çıxış edib.
AZXEBER.COM Qərb mətbuatına istinadən xəbər verir ki, Tramp bunu Oval kabinetdə jurnalistlərin suallarını cavablandırarkən deyib.
İranın heç vaxt nüvə silahına sahib ola bilməyəcəyini deyən Tramp rəsmi Tehranın razılaşmanı rədd edəcəyi təqdirdə lazım gələrsə hərbi əməliyyata keçəcəklərini və İsrailin də bu əməliyyata daxil ediləcəyini bildirib.
ABŞ prezidenti İranda insanların çox ağıllı və zəkalı olduqlarını və mövcud vəziyyətdən çox xəbərdar olduqlarını, eyni zamanda İranla razılaşma baxımından çox şey istəmədiklərini deyib.
İsrailin baş naziri Benyamin Netanyahu da rəsmi səfərdə olduğu Vaşinqtondan yaydığı videomüraciətdə Trampa oxşar açıqlama verib.
Videoda Netanyahu İranın nüvə silahına malik olmaması lazım olduğunu bildirib və bunun ya razılaşma, ya da hərbi seçimlər yolu ilə əldə oluna biləcəyini müdafiə edib.
Donald Trampla İranın nüvə silahına malik olmaması mövzusunda həmfikir olduqlarını ifadə edən Netanyahu "İranın nüvə obyektləri partladılmalıdır. İranın nüvə silahına sahib olmayacağına razıyıq. Nüvə razılaşması əldə olunmasa, hərbi varianta keçəcəyik" - deyib.
Donald Trampın İranla birbaşa danışıqlar apardıqlarını və danışıqların şənbə günü davam edəcəyini açıqlamasından sonra İranın xarici işlər naziri Abbas Arakçi sosial şəbəkədə ABŞ-lə danışıqların aprelin 12-də keçiriləcəyini açıqlayıb.
Mikayıl
