ABŞ Türkiyədən Yəməndəki Husi üsyançı hərəkatına hərbi əməliyyatlara qoşulmasını istəyə bilər.
Bu barədə ABŞ Prezidenti Donald Tramp məlumat verib.
Ağ Evin Cənub Çəmənliyindəki müxbirlər prezidentdən Türkiyə prezidenti Rəcəb Tayyib Ərdoğandan Ənsar Allaha qarşı əməliyyata qoşulmasını xahiş etmək niyyətində olub-olmadığını soruşublar.
Trampın cavabı belə olub: "Mən bunu edə bilərəm. Bildiyiniz kimi, o, mənim yaxşı dostumdur və mən də bunu edə bilərəm. Türkiyə prezidentinə böyük hörmətim var. Düşünürəm ki, prezident Ərdoğan mənim ondan xahiş etdiyimi yerinə yetirəcək. Ona böyük hörmətim var".
Tramp Səudiyyə Ərəbistanının vəliəhd şahzadəsi Məhəmməd bin Salman Əl Səudla danışıb-danışmaması barədə sualı da cavablandırıb: "Bəli, danışdım. Bunu sizə deyə bilmərəm. Həqiqətən də bunu sizə deyə biləcəyimi düşünürsünüz? Çox istərdim, amma etməyəcəyəm".
Daha sonra Tramp, "Truth Social"da yazıb: "Husilər çox pis davranırlar. Düşünürdüm ki, onlar bir il əvvəl onları çox sərt bombaladığımız zaman dərslərini öyrəniblər və sonra onların xahişi ilə bombalamağı dayandırdıq. Onlar uzun müddət susdular, amma indi geri qayıdıblar, yəqin ki, İranın əmri ilə. Ənsar Allah Səudiyyə Ərəbistanına çox gizlicə hücum edir, qəsdən neft qiymətlərini şişirtməyə çalışır. ABŞ seçkilərindən əvvəl bunun baş verməsi yaxşı deyil. Kimsə onlara izah etməlidir ki, mən seçkilərdə iştirak etmirəm, artıq böyük fərqlə qalib gəlmişəm, amma seçkilərdən sonra orada olacağam və bunu heç vaxt unutmayacağam".
Daha əvvəl "Middle East Eye" Türkiyə rəsmilərinə istinadən Ankaranın vacib infrastrukturu və müqəddəs şəhərləri husi hücumlarından qorumaq üçün Səudiyyə Ərəbistanına məhdud sayda qoşun və texnika göndərməyi nəzərdən keçirdiyini bildirmişdi. Nəşr qeyd edir ki, planlara Türkiyənin Yəməndəki döyüşlərdə birbaşa iştirakı daxil deyil. Türkiyənin xarici işlər naziri Hakan Fidan Məkkə Alyansının sırf müdafiə xarakterli olduğunu və bu kontekstdə Ankaranın hücum əməliyyatlarında iştirak etmək üçün digər ölkələrə qoşun göndərməyəcəyini bildirib.
///teleqraf///
