ABŞ prezidenti Donald Trampın martın əvvəlində Çin məhsullarına tətbiq etdiyi gömrük rüsumu 10 faizdən 20 faizə qaldırılıb.
AZXEBER.COM xarici mətbuata istinadən xəbər verir ki, Floridada yerləşən Çindən idxal və ixrac edən "Simplified" şirkəti adından açılan iddiada, Trampın əvvəlki həftələrdə Çin məhsullarına 20 faizə qədər qaldırılan tarifləri tətbiq etmək üçün istifadə etdiyi Beynəlxalq Fövqəladə İqtisadi Güclər Aktının (IEEPA) sərhədlərini aşdığı iddia edilir.
İddia Trampın Çinə tətbiq etdiyi tariflərin "qanunsuz” hesab edilməsini və onların icrasının dayandırılmasını tələb edir.
Müraciətdə İEEPA-nın iqtisadi sanksiyalar və aktivlərin dondurulması kimi xarici təhdidlərə qarşı tədbirlər görmək üçün qüvvəyə mindiyi və bu qanunun "prezidentlərə daxili iqtisadiyyatda sərbəst hərəkət etmək səlahiyyəti vermədiyi” bildirilib.
İEEPA-nın təxminən 50 illik tarixində heç bir prezidentin bu qanundan gömrük rüsumlarının tətbiqi üçün istifadə etmədiyini qeyd edən petisiyada qanunun mətnində gömrük rüsumlarının qeyd olunmadığı və qanunun prezidentlərə vergi tətbiq etmək səlahiyyəti verdiyinə dair hər hansı bir ifadənin olmadığı vurğulanıb.
Gülay
