Ukrayna Prezidenti Volodimir Zelenski və ABŞ Prezidenti Donald Tramp BMT Baş Assambleyasının 81-ci sessiyası çərçivəsində Nyu-Yorkda görüşə başlayıblar. Qapalı görüşə keçməzdən əvvəl onlar jurnalistlərin suallarını cavablandırıblar.
Bu barədə meduza.io yazıb.
Jurnalistlərin suallarını cavablandıran Tramp bildirib ki, Zelenski ilə Rusiya ilə danışıqların gedişini, Ukraynada "Patriot" raketlərinin istehsalını, həmçinin Ukraynanın Rusiyanın neft emalı zavodlarına endirdiyi zərbələri müzakirə edəcək. Trampın yenidən vurğuladığına görə, bu zərbələr dünyada dizel yanacağının qiymətinin artmasına səbəb olur.
Zelenski Rusiya ilə müharibənin qışa qədər dayandırılacağına ümid etdiyini bildirib. O, daha əvvəl bunun mümkünlüyünə şübhə etdiyini açıqlamışdı. Tramp isə Rusiya-Ukrayna münaqişəsinin sülh yolu ilə həllinə nail olmaq üçün Vladimir Putinlə yenidən görüşmək ehtimalını istisna etməyib.
Zelenski və Trampın görüşünün qapalı hissəsi hələ başa çatmayıb.
