AZXEBER.COM-un "Hürriyət"ə istinadən verdiyi xəbərə görə, Almaniyanın Seygen şəhərində yaşayan Ömər Yavuz adlı bir adam nikahsız yaşadığı həyat yoldaşı Aylin İkizin başını kəsib. 22 yaşlı Ömər Yavuz dəmiryol stansiyasında qarşılaşdığı arvadı, 18 yaşlı Aylın İkizin başını kəsdikdən sonra 6 aylıq oğlu Caneri qucağına alaraq şəhərdəki Türk İslam Kültür Dərnəyinə aparıb. Körpəni oradakı qohumlarına verən qatil soyuqqanlılıqla “Arvadımın başını kəsdim” deyib.
Polisin apardığı araşdırma zamanı bəlli olub ki, Almaniyanın Koblens şəhərində yaşayan Ömər Yavuzla Aylın İkiz bir müddət əvvəl ayrılıblar. Bir yerdə yaşadıqları müddətdə isə onların rəsmi nikahı olmayıb.
Polisin təqiblərinə məhəl qoymayan 22 yaşlı gənc, 6 aylıq körpə ilə birlikdə qatar stansiyasında yaxalanıb. Daha sonrakı ifadələrində Yavuz cinayəti törətməsinin səbəblərini açıqlayıb. O, arvadını başqa bir kişi ilə yaxaladığını və buna görədə onu öldürdüyünü söyləyib.
Seygen şəhərinin dəmiryol stansiyasında arvadını oğlu ilə görəndə Ömər Yavuz sanki dəli olub. Aylın qaçıb qurtulmağa çalışsa da, Yavuz onu haqlayıb, saçından tutaraq yerə yıxıb. Sonra da o, tuneldən keçənlərin gözü qarşısında arvadının başını bədənindən ayırıb. Faktla bağlı cinayət işi qaldırılıb.
