Türkiyənin Suriya sərhədinə hərbi qüvvə topladığı bildirilir.
Dünən axşam saatlarında Hatay, Kilis və Şanlıurfa şəhərlərindəki sərhəd birliklərinə Türkiyə Silahlı Qüvvələrinə məxsus hərbi avtomobillərlə əsgər və silah daşındığı görülüb.
Şanlıurfada Suruş qəsəbəsinə gətirilən zirehli avtomobillərin İkinci Sərhəd Tabor Komandanlığına bağlı Mürşidpınar məntəqəsinə keçdiyi müşahidə edilib.
Hatayda isə İsgəndərun qəsəbəsindəki 39-cu Motoatıcı Piyada Alayına məxsus bir qrup hərbi avtomobil sərhəd qəsəbələrinə göndərilib. 30-a yaxın hərbi avtomobil sərhəd qəsəbələrinə doğru hərəkət edib (TRT-Azərbaycan).
