Türkiyənin Xarici İşlər Nazirliyində yeni kadr təyinatı olub.
Diplomat Tanju Bilgiç qardaş ölkənin XİN-in İnformasiya idarəsinin müdiri-nazirliyin sözçüsü vəzifəsinə təyin edilib.
O, bu gündən fəaliyyətə başlayıb.
T.Bilginçdən əvvəl Türkiyə XİN-in sözçüsü Hami Aksoy olub.
Qeyd edək ki, Tanju Bilgiç Ankara Universitetinin Siyasi elmlər fakültəsini bitirib. 1995-ci ildə Türkiyə XİN-də işə başlayıb.
Nazirlikdə bir çox fərqli vəzifələrdə çalışıb. 2014-2016-cı illərdə XİN-in İnformasiya idarəsinin müdir müavini - nazirliyin sözçüsü olub.
2016-2021-ci illərdə Türkiyənin Serbiyadakı səfiri işləyib. Bundan başqa, Türkiyənin Bosniya və Herseqovina, Danimarka, Fransa və Rusiyadakı diplomatik nümayəndəliklərində müxtəlif vəzifələrdə çalışıb.
