Türkiyədə bir çox insan yedikləri toyuq dönəri səbəbiylə ürəkbulanma və qusma şikayətləri ilə xəstəxanaya aparılıb.
AZXEBER.COM Türkiyə mediasına istinadən xəbər verir ki, hadisə Türkiyənin Kocaeli bölgəsində baş verib.
Alınan məlumata görə, Atatürk küçəsində yerləşən mağazadan toyuq dönəri alan bəzi şəxslər dünən axşam saatlarında ürəkbulanma və qusma şikayəti ilə xəstəxanaya müraciət ediblər.
Zəhərlənmə əlamətləri olan 300-dən çox adam ərazidəki müxtıif xəstəxanalara müalicəyə alınıblar.
Müdaxilələrin ardından bəzi xəstələr evə buraxılıb. Müalicə alan 2 nəfərin vəziyyətinin kritik olduğu öyrənilib.
Hadisədən sonra şikayətlərin mənbəyi olduğu deyilən dönərxana polis qrupları tərəfindən möhürlənərək müvəqqəti bağlanıb. Ekspertiza üçün dönərxanadan nümunə götürülüb.
Qida analizlərinin nəticələri gözlənilərkən, hadisə ilə bağlı araşdırma başladılıb.
Oksana
