Türkiyənin Diyarbakır vilayətinin Ergani rayonunda dəhşətli hadisə baş verib.
AZXEBER.COM Türkiyə mediasına istinadən xəbər verir ki, itkin düşməsi ilə bağlı axtarışa verilmiş 9 yaşlı Yasemin Yıldırım yaşadıqları binanın yanındakı digər binanın pilləkən boşluğunda bıçaqlanaraq öldürülmüş halda tapılıb.
Hadisə ötən gün axşam saatlarında baş verib. Ailəsinin itkin düşdüyünü bildirdiyi azyaşlı Yasemin Yıldırımın meyiti yaşadıqları binanın qonşuluğundakı tikilinin pilləkən boşluğunda aşkar edilib.
Qızın bədənində çoxsaylı bıçaq zədələri olub. Hadisə ilə bağlı aparılan araşdırmalar nəticəsində bir nəfər şübhəli şəxs qismində saxlanılıb. Hüquq-mühafizə orqanları cinayətlə bağlı istintaqa başlayıb.
İctimaiyyət hadisədən sarsılıb və faciə ölkədə geniş rezonansa səbəb olub. Yaseminin ölüm səbəbi və cinayətin motivləri istintaqın gedişində aydınlaşdırılacaq.
Oksana
