Bu gün Türkiyədə PKK terrorçuları daha iki partlayış törədiblər. Bitlisin Güroymak rayonunda polis avtomobili partladılıb. Nəticədə 4 polis nəfəri və 2 mülki şəxs həlak olub. Həmçinin yaralıların olduğu bildirilir.Digər hadisə Mardində baş verib. Ömərli yolu adlanan ərazidə yolun kənarına yerləşdirilmiş uzaqdan idarə olunan partlayıcı qurğu terrorçular tərəfindən işə salınıb. Hərbi karvanın keçdiyi vaxt olduğundan hadisə nəticəsində 1 əsgər ağır yaralanıb.
