"Türkiyə enerji təhlükəsizliyi, ticarət, regional sabitlik, terrorizmlə mübarizə və qeyri-qanuni miqrasiya kimi sahələrdə Aİ üçün əsas və əvəzolunmaz tərəfdaşdır".
AZXEBER.COM Türkiyə mətbuatına istinadən xəbər verir ki, bu sözləri Macarıstanın Müdafiə Naziri Kristof Szalay-Bobrovniczky deyib.
Macarıstanın Türkiyə ilə əlaqələrini strateji səviyyəyə qaldırdığını bildirən Bobrovniczky, müdafiə sahəsində əməkdaşlığın bu strateji tərəfdaşlığın mühüm tərkib hissəsi olduğunu diqqətə çəkib.
Sosial müstəvidə əlaqələrin gücləndiyini bildirən Bobrovniczky,
"Macarıstan Türkiyə ilə qarşılıqlı hörmətə əsaslanan əməkdaşlığını daha da dərinləşdirmək əzmindədir. Türkiyə ilə Macarıstan arasında ikitərəfli təhlükəsizlik siyasəti, enerji, müdafiə sənayesi, iqtisadi və mədəni əlaqələrin daha da inkişaf etdirilməsi ortaq hədəfdir",- deyə bildirib.
İki ölkənin 2024-cü ildə Türk Macarıstan Mədəniyyəti ilini qeyd etdiyini xatırladan Bobrovniczky, bu münasibətlə Macarıstan mədəniyyətinin Türkiyədə görünməsinin təmin edildiyini və ölkələr arasında mədəniyyətdən kənara çıxan iqtisadi və siyasi əməkdaşlığın əsaslarının qoyulduğunu söyləyib.
Oksana
