Türkiyənin Azərbaycandakı səfiri dəyişib. Hulusi Kılıçı bu vəzifədə İsmayıl Alpər Coşqun əvəz edəcək. AZXEBER.COM TRT-yə istinadən xəbər verir ki, Xarici İşlər Nazirliyi yeni təyinatları açıqlayıb. Bu təyinatlara görə, Ali Təhsil Şurasının keçmiş sədri Yusif Ziya Özcan Türkiyənin Polşadakı səfiri təyin edilib. Xarici Ticarət Baş İdarəsində çalışan Ömər Faruk Doğan Kamerun, vali Məhmət Niyazi Tanılır Monteneqro, Milli Təhlükəsizlik Şurasının baş katibi Sərdar Kılıç Tokio, səfir Səlim Kuneralp Dünya Ticarət Təşkilatında daimi nümayəndə olacaq. Çağatay Ərciyəz Beynəlxalq Aviasiya Təşkilatındakı Türkiyə daimi təmsilçisi, Sədat Önəl İordaniya, Əhməd Əcət Meksika səfiri təyin edilib.
