Ukrayna və Avropa İttifaqının nümayəndələri assosiasiya barədə sazişin imzalanması üçün əvvəllər dayandırılmış hazırlıq işlərinin davam etdirilməsinə dair danışıqları bərpa ediblər.
AZXEBER.COM “İnterfaks”a istinadən xəbər verir ki, dekabrın 13-də genişləndirmə və qonşuluq siyasəti məsələləri üzrə Avropa komissarı Ştefan Fülye ilə Ukrayna baş nazirinin birinci müavini Sergey Arbuzovun görüşü baş tutub.Brüsseldə səfərdə olan S.Arbuzov bildirib ki, görüş “Kiyevin sazişi imzalamasına siyasi iradəsi olduğu” üçün baş tutub və danışıqlar davam edəcək. Onun sözlərinə görə, saziş “problemli məsələlər”in həllindən sonra imzalanacaq.Arbuzov həmçinin qeyd edib ki, hələ ki, söhbət “Yol xəritəsi”nin yaradılmasından gedir və bu, sazişin imzalanma şərtləri və müddətini ifadə edən işçi sənədi olacaq.
